Qyteza ujore Gubei në distriktin Miyun të Pekinit/ foto nga HOU YU- CHINA NEWS SERVICE

Në rrjedhën normale, çdo vit festa e Festivalit të Pranverës do të më shihte të marr rrugën tradicionale drejt bashkimeve familjare në qytetin tim. Megjithatë, këtë vit, unë dhe bashkëshorti im zgjodhëm të kalonim pushimet e shumëpritura në Gubei Water Town, një vend i njohur për turizmin kulturor në distriktin “Miyun” të Pekinit.

Banja termale, not në “pishinën e pafund”, panaire tempujsh, shëtitje nëpër rrugët lokale të veshura me rroba të stilit Han, përvoja të tilla si përdorimi i një shtypshkronje tradicionale të lëvizshme prej druri dhe mësime të artit letre... gjëra të tilla i bënë pushimet treditore te paharrueshme.

Për herë të parë, kuptova se edhe pushimet e mia familjare mund të jenë relaksuese. Mund të garantoj se turnetë kulturore mund të japin përvoja interesante prej të cilave mund të mësosh.

Pushimet më kushtuan rreth 3000 juanë (435 dollarë), duke përfshirë akomodimin, ushqimin dhe përvojat kulturore. Më ringjalli pasionin për udhëtimet dhe përvojat kulturore gjithëpërfshirëse. Ndoshta qindra miliona bashkatdhetarë të mi do të shprehnin ndjenja të ngjashme.

Turistët e veshur me rroba të stilit Han në qytezën ujore Gubei/ foto nga VCG

Gjatë festës njëjavore të Vitit të Ri Kinez, Kina pa një rimëkëmbje të fuqishme në turizëm dhe shpenzime. Sipas Ministrisë së Kulturës dhe Turizmit, gjatë festës shtatëditore ka pasur 308 milionë vizita turistike vendase, rreth 23 për qind më shumë në baza vjetore. Kjo nënkuptonte pothuajse 89 për qind të nivelit të vitit 2019.

Të ardhurat nga turizmi vendas arritën në rreth 375.8 miliardë juanë, 30 për qind më shumë në baza vjetore dhe rreth 73 për qind të nivelit të 2019-s.

Duke cituar leximin më të fundit ekonomik, ekspertët thanë se Kina është në rrugën e duhur për një rikuperim të qëndrueshëm, pasi kërkesa është rritur ndjeshëm pas optimizmit të masave të kontrollit të Covid-19 dhe masave stimuluese të Pekinit për rritje.

Të dhënat e Zyrës Kombëtare të Statistikave treguan se aktiviteti ekonomik i Kinës, përfshirë prodhimin dhe shërbimet, u rrit për herë të parë në katër muaj në janar. Indeksi zyrtar i menaxherëve të blerjeve për sektorin e prodhimit të Kinës u rrit në 50.1 në janar nga 47 në dhjetor, i udhëhequr kryesisht nga një rimëkëmbje e porosive të reja. Dhe indeksi joprodhues arriti në 54.4 në janar nga 41.6 në dhjetor, kryesisht i nxitur nga nënindeksi i shërbimeve.

Pamja nate në qytezën ujore Gubei/ foto nga VCG

Përmirësimi i aktivitetit ekonomik ofron pamjen më të fundit zyrtare të çlirimit të kërkesës së ndrydhur, teksa vendi po i jep përparësi zgjerimit të kërkesës së brendshme dhe nxitjes së konsumit.

Guan Tao, kryeekonomisti global i “BOC International”, tha se leximi i fundit i indeksi i menaxherëve të blerjes tregon për përmirësim të qëndrueshëm si në kërkesë ashtu edhe në ofertë, veçanërisht lirimin e shpejtë të kërkesës së konsumit të ndrydhur.

Qeveritë vendore në të gjithë vendin po shtojnë gjithashtu përpjekjet për të stimuluar konsumin. Për shembull, Pekini së fundi zbuloi një dokument të ri mbi detyrat kryesore të përcaktuara nga Raporti i Punës së Qeverisë Komunale të Pekinit (2023).

Dokumenti kërkoi më shumë përpjekje për të rritur konsumin këtë vit, duke përfshirë nxitjen e konsumit në banesa, automjete me energji të re dhe kujdesin për të moshuarit.

Në provincën Guangdong të Kinës jugore, konsumi ka dëshmuar një rikthim të fortë gjatë festës së Festivalit të Pranverës me një sërë masash për të nxitur konsumin. Vetëm zona tregtare në Rrugën e Pekinit në Guangzhou arriti një vëllim biznesi prej 345 milionë juanë në festën njëjavore, 19.4 për qind më shumë në baza vjetore, treguan të dhënat zyrtare.

Wu Chaoming, zëvendësdrejtor i Institutit Ekonomik Ndërkombëtar Chasing, tha se konsumi do të bëhet forca kryesore lëvizëse pas rritjes së qëndrueshme të Kinës gjatë këtij viti.

“Duke pasur parasysh optimizmin e masave të kontrollit të Covid-19, normalizimin gradual të aktiviteteve ekonomike, nivelin më të lartë të çlirimit të kursimeve të tepërta të familjeve dhe një bazë të ulët krahasimi, mund të jetë e mundur që këtë vit të ketë një rritje të dukshme nga 7-11 për qind në shitjet me pakicë në Kinë”,- tha ai.